Шыбын-шіркей түрлі микробтарды таратушы. Сондықтан да, адам денсаулығына тигізер қауіптің алдын алу мақсатында оларды өлтіруге рұқсат етіледі. Әбу Дәуід және Имам Бухариде келген бір хадисте Пайғамбарымыз (Алланың оған салауаты мен сәлемі болсын) былай деген:

 «Кімде кімнің сусынына шыбын түсіп кететін болса, онда оны батырып, кейін алып тастасын. Шындығында оның бір қанатында кесел, екінші қанатында оның емі бар».[1]

«Ғаунуль Маъбуд» атты еңбекте аталмыш хадиске түсінік беру барысында:

 «Бұл хадис шыбындардан келетін залалдың алдын алу мақсатында оларды өлтіруге болатындығына ашық дәлел»[2], – дегенді айтып өтеді. Демек, үйдегі шыбыншіркейлерді өлтіруге шариғат рұқсат береді.

 Ал себептен-себепсіз құмырсқаның илеуін бұзып, құмырсқаны не араны өлтіруге Алла Елшісі(Алланың оған салауаты мен сәлемі болсын)  тыйым салған. Сахаба Абдулла ибн Аббастың айтуы бойынша, Ол(Алланың оған салауаты мен сәлемі болсын) төрт жәндікті өлтіруге тыйым салған.

 Олар: құмырсқа, ара, көкек, тағанақ[3], [4].

Десе де, құмырсқа мен ара адамдарға жайсыздық туғызып жатса және келтірген қолайсыздығын тек өлтіру арқылы ғана жоюға болатын болса, онда оларды өлтіруге болады[5]. Мәселен, ара үйдің кіре берісіне ұя салып тастап, адамдардың үйге кіріпшығуы қиындап кетсе, яки үйдің іші құмырсқаға толып кетсе т.б. 

[1] Бухари, «Китабу бүд’иль Халқ», №3142-хадис.; Әбу Дәуід, «Китабуль Атғима», №3844-хадис. Сахих.

[2] Мұхаммад ШәмсульХаққ әл-Азым Әбәди, Ъаунуль Маъбуд, №3844 – хадис түсіндірмесі.

[3] Әбу Дәуід, «әбуәбун Нәум», №5267-хадис. Сахих.

[4] Тұмсығы үшкір, қауырсыны жұмсақ, қанаты қысқа, торғай тұқымдас құс.(Қазақ тілінің әмбебап сөздігі) [5]Мұхаммад ШәмсульХаққ әл-Азым Әбәди, Ъаунуль Маъбуд, №3844 – хадис түсіндірмесі

http://mazhab.kz