Дәл қазіргі таңда әлемдегі ең үлкен ұшақ болып саналатын Stratolaunch әуе кемесі Калифорниядағы ангардан шықты.

Бұл туралы The Time хабарлайды.

Салмағы 226 тонна болатын ұшақ 250 тонна болатын жүкті көтеріп ұша алады. Әуе кемесінің қанаттары 117 метр, ал биіктігі 15 метр.

Ұшақ үлкен биіктікке зымыран-тасығыштарды шығаруға арналған. Құрастырушылардың сөзінше, бұл ғарышқа зымыран жіберу мәселесін біршама жеңілдететін көрінеді. Алғашқы ұшу сапары 2019 жылға жоспарланып отыр. Әзірге мамандар әуе кемесінің техникалық жабдықтарын қадағалап, тексерістен өткізіп жатыр.